The Sustainable Development Goal Number 6 of 'Clean Water and Sanitation'; Looking at problems in Chin State of Burma/Myanmar|

The Sustainable Development Goal Number 6 of 'Clean Water and Sanitation'; Looking at problems in Chin State of Burma/Myanmar|
Hakha, Chin State

The Sustainable Development Goal Number 6 of 'Clean Water and Sanitation'; Looking at problems in Chin State of Burma/Myanmar|

Salai SH Lian; Honolulu, Hawaii; 2 September 2016| I am focusing in this article about 'water and sanitation', which are at the very core of sustainable development, critical to the survival of people the planet. As given the title, it will link with problem face by the Chin people of Burma for many years looking case study from UN member countries. I just want to highlight this goal 6 of water and sanitation issues because this has been the biggest issues not only in Chin State but also many part of Burma/Myanmar for many years. As covering the whole topic about SDGs or water and sanitation would be very broad, I will just focus on the discussion from the Water Pavilion during the IUCN Congress and will be looking at the case from Chin people from Chin State. Perharp, It will be just like a short highlight of the discussion from the water pavilion.

Located in western Burma/Myanmar, Chin State is border with Sagaing, Magwe and Rakhine domestically and internationally border with Bangladesh, India. Chin State is the highest poverty rate among states in Burma/Myanmar with 73 percent of its population lives below the poverty lines. This article, however, will not discuss about poverty but difficulties and problems face in regards relation with 'water and sanitation' particularly with reference from the global 'sustainable development goals'. It has been many years that all the towns, total in 9 township of Chin State including the capital faced water crisis. The local people throughout the 6 blocks of Hakha, the capital town have experienced some kind of water shortage, especially in the summer time from February to May, every years for decades. In rainy season and winter, increased rainfall means most of the water sources are significantly increased. However, this water is mostly inconsolable because there is no treatment or filtering system for raw water coming directly from streams, wells, and lakes. Therefore, the local people have to rely mostly on rainwater which is caught n the roof and piped to store in tanks to use for cooking, drinking, batting and sanitation.

According to Van Bawi Lian research in Hakha, the findings show that the main causes for water scarcity in the capital Hakha are deforestation in the watershed areas on Rung mountain and other watershed area near Hakha, land use changes for housing, pagodas, monstrous and government offices construction and agriculture activities, rapid population growth, corruption in political system in the success government, and local climate change in the past decades. In the past, this kind of water related issues have make cover story for our Journal, The Chinland Post.

The Chinland Post quoted Mr. Tawk Lian, a town elder, as saying the root causes of Hakha water scarcity are the cutting of trees on the mounting, selling lands for housing and human settlement in the Gangaw Road watershed areas and agriculture by a handful of local elite that caused deforestation on the outskirt of Rung Mountain.

In relation with this problem, during the presentation one of the speaker mentioned about different countries problems experiences. He quoted, Mr. Boutros Ghali (1985) as saying, " the next war in the Middle East will be fought over water, not politics. And, Ismail Serageldin (1995) also quoted as saying "the war of the new century will be fought over water." Not only that in recent years, many research consistently shows that water-related conflicts are happening around the world which may be the governance failures.

 

Salai SH Lian; Honolulu, Hawaii; TCP 2016 September 2| Hramdomhnak

A hmunmi thanchonak hmuitinh tiah tlangtar a si ko nain, vawleipi nih a tuahmi thanchonak kongkau chung ah a thukpi in ka lut lem lai lo. Vawlei cung ramzakip phu United Nations (UN) nih chungtel hna he vawlei thanchonak a tuah tuanmi kongkau hi a tawinak in ka vun tial lai. A bik in, tutan ah hmuitinh paruknak a simi; Dinti Thianghlim Tinconak kong kha hmaithlak in ka hun tial duhmi a si. A ruang cu kanmah Lai miphun (Chin) zong nih kan ton cuahmahmi harnak pakhat a si. A tling in tial khawh ding a si lo caah a bik in tutan IUCN World Congress (Conference) ka kainak i, an chimmi chung in a tawinak in ka hun tial lai. Vawleipi thancho ning tahnak, UNDP 2012 report ah Chin miphun 100 ah zatuak 75% tluk cu sifahnak rikhiahmi dirhmun tang ah an um tiah an ti. Sifak tiah tahnak ah an hmanmi cu nikhat ah USD $1.25 tluk nihlawh hmuhlo khi a si. Minung pakhat nih cu nikhat ah USD $1.25 hmuh khawh ding cu UN Millennium Development Goals (hi-hnu-in; MGDs) ah rak chiahmi a si. Nain, langhter cang bang, tutan ah sifahnak kong silo in, Dinti Thianghlim Tinconak kong ka hun hmaithlak lai.

Kumthongbu Thanchonak Hmuitinh le A Hmunmi Thanchonak Hmuitinh ; (MDGs Pre-2015 le SDGs Post-2015)

Zei dang hlan ah, Vawlei cung pumpi nih kum 1990s a dih lai ah, hmailei karhlannak caah tiah Kum 2000 a tlin kum thok in hnatlaknak ngeihmi Kumthongbu Thanchonak Hmuitinh (Millennium Development Goals-MDGs) timi vawlei cung ramzakip nih sifah lehpeknak (extreme poverty) doh ding ah biakhiah lungtlinnak rak ngeihmi a si. An i timhmi Sifah lehpeknak cu tangka hmuhmi tlawm tuknak (income poverty) a si caah thanchoter ding le rawlei ding ngeihlonak siloah pawtamnak (hunger) um loin tuah ding. Cun, zawtnak (disease) a bikin HIV/AIDS zawtnak karhlo ding in khamnak le umnak hmun tha ngeihlonak (lack of adequate shelter), nu le pa tlukruannak kong chimrelnak le fianternak (promoting gender equality), fimcawnnak (education) kong ah vawlei cung hngakchia poh nih tangniamrun tal cawnnak ngeih hrimhrim ding. Culawng hlah, a hmunmi pawngkam kilven zohkhennak (environmental sustainability) a thancho khawhnak hnga tuanti ding in hnatlak lungtlinnak an rak ngeihmi a si. Hi vialte hi 2015 ah tlinter dih ding tiah vawleipi cozah lawng siloin cozah a silomi phu pawl nih September 2000 rak thok ding in timhmi biakhiahnak a si.

Cucu a tlamtlin khawhnak ding United Nations (UN) hruainak in vawleipi cozah hna he siseh, mipi dirhmi bu (civil society organizations) le a dangdang riantuan hawi he zuam cuahmahmi a si. MDGs a tlamtlin khawhnak ding ah an cawlcangh in tehcawl thluahmah lio ah 2015 nih a hun kan dih tak. Cucaah, UN chungtel ram vialte nih MDGs lawng siloin a dang zeitindah a hmunmi thanchonak lei ah kar kan hlan lai tiah September 2015 ah thla dongh ah hmuitinh thar lungtlinnak an vun ngeih than.

UN Millennium Development Goals cu September 2015 tiang rak hmuitinhmi ahcun a cunglei i langhter cangmi pariat (8) a rak si nain, atu ah hmuitinh thar 17 he phun dang deuh in a Hmunmi Thanchonak Hmuitinh (Sustainable Development Goals) tiah hnatlaknak an ngei than cang. Cucu, September 25, 2015 ah UN chungtel ram vialte nih hmuitinh 17 he hnatlaknak an ngeih cu a si. Hi hmuitinh vialte cu kum 15 chung ah tlamtling ding in tuan chuah ding ah hnatlaknak an ngeihmi a si. September 2015 tiang ah an i timhmi leng in a hung tam deuh ngai. Atu ah UN chungtel ram vialte nih an i timhmi cu 2030 tiang pehzulh in tuan chuah ding a si. Amah belte, MDGs cu a tlamtling cang i, kan thangcho cang caah kan ngolh cang lai tiah biakhiahnak tuah siloin thanchonak cu tuah ding le tlangtlak ding vialte tam lak kan tuah cang caah atu cu a hmunmi thanchonak hmuitinh lei ah zeitindah karhlannak kan ngeih lai i kan tuan chuah lai timi timhnak thar a si.

Cu A hmunmi Thanchonak Hmuitinh ah lungtlinnak an ngeihmi cu;

1. Sifahnak umlo ding (No Poverty)

2. Tamhalnak umlo ding (No Hunger)

3. Ngandamnak tha le nun nuamhnak (Good Health and Well-being),

4. Fimcawnnak tha (Quality Education)

5. Nupa tlukruannak (Gender Equality)

6. Dinti le hmunhma thianhlimnak (Clean water and sanitation)

7. Fawi le thianghlim in hman khawhmi meitha (Affordable and Clean Energy)

8. Zaran hlawhfa rian le nuncan thanchonak (Decent Work and Economic Growth)

9. Seh riantuannak, thilthar chuahnak, lam le sul, hmunhma thanchonak (Industry, Innovation, and Infrastructure)

10. Tlukruanlonak zorter ding (Reduce Inequalities)

11. Ahmunmi khualipi le zatlangbu (Sustainable Cities and Communities)

12. A hmunmi le tuanvo lami thilri chuahnak le hmannak (Responsible Consumption and Production)

13. Khuati zohkhenhnak (Climate Action)

14. Rili tang khuasaknak kongkau (Life below Water)

15. Vawlei cung ah pawngkam he remte in khuasak nunnak (Life on Land),

16. Remdaihnak, Dinfelnak, Felfaimi le thawngmi suttung uknak le hruainak (Peace, Justice and Strong Institution) le

17. Hmuitinh tlamtling khawhnak caah pehtlaih bawmhchannak (Partnership for the Goals) tiah A hmunmi thanchonak timhmi 17 ah hnatlaknak vawleipi nih an ngeih than.

Hi timhmi 17 tawifiang deuh in kan vun langhter ahcun; vawlei cung hmun zakip ah sifahnak hrimihrim um lo ding, tamhalnak um lo in rawl kong ah thinphan thlalaunak um lo ding. A hmunmi cintlak ningcang karhter le eidin thanchoter ding. A hohmanh thleidannak um lo in, ngandam tein nun khawhnak ding caah le a nuammi chungkhar sinak thanchoter ding. Ahopoh nih a thami fimcawnnak ngah khawhnak le i tel khawhnak nawlngeih ding. Cun, Nun chung fimcawn khawhnak hmunhma a hopoh nih ngah kho ding in thanchoter ding tbk. pumpak nunnak kongkau a tel. Nupa tlukruannak ngah khawhnak le Nu le hngakchia nu vialte thanchoter ding tbk. pawl a tel leng ah pawngkam zohkhenh, kilvennak ding siseh, a hmunmi vawlei hman ning cang, ramlak le tupi hualnak le tlang le ti ah tlonglengmi saram an tlaudih thluahmahnak doh in ngolter ding tiang a tel fawn. Cun, a donghnak lei ah, cozah ah siseh, mibu cawlcanghnak ah siseh, ahopoh nih awaan an ngeih khawhnak hnga ding caah teltum khawhnak ding in sersiam ding pawl an si.

Hmunkip Dinti Harnak le Chin Miphun

A cunglei langhtermi a hmunmi thanchonak hmuitimh chung in khin, ka tlangtar bantuk in a number 6 nak a simi Dinti le hmunhma thianhlimnak (Clean water and sanitation) timi mizapi nih dinti thianghlim tinco khawhnak kong tu kha biapi in ka vun langhter duh. Zeitindah an cawlcangh cio timi ka langhter hlan ah Dinti ruang ahhin, zeitluk in dah vawleipi a buaibai cang, dinti thianghlim hi zeitluk in dah a biapimi a si tbk. pawl ka hun langhter duh. A ruang cu kanmah Chin miphun chung fakpi in harsatnak kan tonmi a si. Chin ramkulh ah khuapi 9 kan ngei (cozah pek tharmi khuapi pawl telh lo in…). Dinti a har lomi khualipi le khuapi pakhat hmanh na theihmi a um lai lo. Kan har dih! Ramkulh khualipi Hakha in Thantlang, Falam, Tedim, Tonzang tiah chaklei Laitlang (Chinram) vialte dinti kan har dih. Cun, thlanglei Laitlang zong ah dinti an har thiam, Matupi, Mindat, Kanpalet in tiva pawng ummi Paletwa dah tilo kan har dih. Dinti har ka ti tik ah, Zei dang chim lo in, din ding Ti ngeih lo khi a si ko. A thianghlimmi kong ka chimmi a si rih lo. Dinti a um lomi kong hrimhrim khi ka chim duhmi a si. Cun, hi dinti harnak kong ah thukdeuh in vun luh ahcun kanmah Chin miphun lawng silo in vawlei cung hmun zakip ah an buaipimi pakhat a si. Pawngkam thil sining a thlen ruang ah a chuakmi thil lak ah tihnung bik pakhat a si tiah vawlei cung thiamsang nih an chim.

Hi kong ah, Mr. Boutros Ghali nih 1985 tluk ah a ralai dingmi caan ah Middle East ram nih an buaipi dingmi cu Dinti (water) kong a si lai, ramkhel (politics) a si lai lo tiah a rak chim cang. Cun, Mr. Ismail Serageldin nih 1995 hrawng ah a ralai dingmi kum 100 chung ah kan buaipi dingmi cu zeidang ral silo in, Dinti (ti) kong a si lai tiah a rak chim ve cang. Cucu, nihin chun ah a cang thluahmahmi a si. Atu ah, Yemen, United Arab Emirates, Saudi Arabia, le Iraq nih an buaipi bikmi pakhat ah a cang taktak cang. Vawlei cung khuazakip ah a can lawng siloin kanmah Chin Ramkulh chung hrimhrim ah mithmuh kuttongh in kan ton cuahmahmi a si. A zual khunmi cu; Furpi ruahsur thluahmah lio zong ah Dinti kan ngei tawn lo. A bik in Dinti thianghlim kan ngei lo. Hi nih zawtnak phunkip a chuahpi leng ah sifahnak phortu thil pakhat a si.

Culawng silo in, tu bantukin dinti thianghlim le ti sawhsawh hman ding ngeih lo ruang ah remdaihnak tiang a hnorsuan. Cucu, a si kho dingmi thil a lo hrim lo nain, nihin chun ah kanmah Laimi nih kan ton fawn cang. A thei cangmi zong tampi nan um kho men, tahchunhnak vun lakding nan theihmi zong tampi a um lai. Cucu, Ti laknak hmunhma ruang ah khua pakhat le pakhat, innpa chakthlang, sang le veng, peng khat le peng khat karlak ah buaibainak a hung um thluahmah. Hihi al awk a tha lomi, a cang cuahmah takmi a si. Tahchunhnak vun lak ding ah an um len; an khuamin chim ding le rel ding zong an um. Hakha peng nih an theih bik dingmi dinti kong ah khua pakhat le pakhat buaibainak cu; Hakha in Gangaw karlak ah a ummi khua pahnih thum karlak ah a cangmi buaibainak a si. Khua pakhat nih an khua pawng ah dinti lak ding in an timh tuah tik ah, ram ngeitu khua nih kan ram ah thingkung kung khat zong nan hau kho lo, nan tong kho lo tbk. i tlerh khonhnak le dinti lakter duhlonak a um. Cu nih cun, khua khat le khat karlak ah buaibainak a chuahter. Cun, Thantlang peng nih an theih dingmi a um thiam fawn; Khualhring tlang thluan chung ah dinti i pek duh lo ruang ah khua pakhat le pakhat karlak ah buaibainak a rak um. Cu bantuk buaibainak cu Chin ramkulh hmun kip ah kan ton cuahmahmi a si. Hi bantuk dinti le ti thlianghlim harsatnak kong kau ahcun, catialtu pumpak nakin zapi nih nan theih dihmi a si ko caah tampi ka langhter ti lai lo.

Zeitindah Hi Harsatnak Tuan Chuah Khawh A Si Lai?

Hi bantuk hmuitinh tlamtlinnak ding vawleipi nih an i timhmi hi kanmah kan cozah zong nih tlamtlinh ding in hnatlaknak a ngeihmi a si. A ruang cu harsatnak, thihlonak tiang phan khomi le hngakchia caah thilthalo a chuah khawh lawng silo in namneh deuh zong an si theo tawn. Cucu hngakchia cung lawng ah silo in, ahopoh caah tihnungmi si. Cucu a thatnak ding ah, a pakhatnak ah kan cozah nih rian a ngeih. A ruang cu khat le khat karlak ah, remlonak, sikvelhnak, tukdohnak tbk. a um chin thluahmah khomi a si. Langhter cang bantukin a um zong a um cang. Kanmah Chin (Lai) miphun nih kan ton cangmi a si. Khua pakhat le pakhat remlonak, i ralnak tbk. a um len cang. Cucu, cozah lawng maw kan rinh kun lai? Sihlah, cozah nih mizapi kha zalong tein teltumnak nawl a pek hna a herh, a hman thiam hna a herh. Cun, cozah nih mipi caah tihnungmi thil, a thiang lomi dinti tbk. kong ah tuanvo lami a si herh bantukin, mizapi aiawh in biakhiahnak a tuah lai poh mipi aiawhmi biakhiahnak a si herh. Mipi teltummi a si a herh. Cun, a tuahmi thil poh ah cozah nih pawngkam thil sining zohkhenh kilvennak he a tuah a herh. Hi bantukin cozah a cawlcangh lawnglawng ah remdiahnak taktak a um kho lai i, dinti le umhmun thianhlimnak kong ah cozah nih tawlrelmi a tlamtling lai. Cu bantuk riantuannak ding caah hin, vawlei cung pumpi cozah, cozah silomi bu tbk. le company pawl nih rian tuan ding in timhlamhnak le hnatlaknak ngeihmi a si caah, tuanti khawh ding a biapi tuk fawn. Cu bantukin khat le khat i pehtlaih dih zong a herhmi a si.

Tlangkawmnak

Hi bantukin vawleipi nih ton cuahmahmi harsatnak pakhat a simi dinti thiang le hmunhma thiang a har thluahmah lio ah, kan nih Laimi cu daithlang ngai in khua kan sami ka lawhter. A hlan pupa chan ah kan ton ballomi dinti har tel in, pawngkam thlennak le khuati thlennak nih a kan hnorsuan thluahmah ve. Hihi, a thar in, ruah than a cu cang. Kan ton ballomi chung in kan hnu kum in tu kum tiang ah rawhralnak an um liangluang. Catialtu nih khawmhsuat len hmanh a hau in ka ruat lo. Cucaah, nifatin kan tuahmi thil ah caansau a nguhmi thanchonak le hman khawhmi thil a si ding hi a biapi tuk. Nitin pawcawmnak kan kawlnak ah biakhiahnak kan tuahmi nih hmailei techin fapar caah tihnungmi thil a chuahpi lai maw timi ruah a herh. Khuate lei ah, pawcawmnak pakhat a simi pangpar kawlnak nih zeidah a chuahpi timi a biapit tuk bantuk in, kan kawl ning cang kha fakpi in ruah a herh. Cucu pumpak biakhiahnak lawngte an si. Thil kan tuahmi nih caansau a nguhmi kapkip in himnak le thanchonak a chuahpi maw timi ruah than a biapi tuk. Hi vialte tlamtlin khawhnak ding ah, a biapimi thil a tam tuk liangluang ko nain, a biapi khunmi pakhat in ka donghter duh. Cucu, pumpak pakhat nih nitin biakhiahnak, thimnak fate te kan tuahmi hi ruat than hna u sih! “Think again, the choice you are making everyday, think about little thing you do.”

Chirchchan;

1. Sustainable Development Goals (UN), 2016
2. IUCN World Congress on SDG on Water (SDG-6); Panel

Hi bantuk pawngkam zohkhenhnak kong ah kan rak thanh chap than lengmang lai;

IUCN World Conservation Congress ah Earth Journalism Network i Media Fellow pakhat sinak in The Chinland Post in Sang Hnin Lian cu Hawaii, USA ah a kai lio a si.+++

 

 

By visiting EJN's site, you agree to the use of cookies, which are designed to improve your experience and are used for the purpose of analytics and personalization. To find out more, read our Privacy Policy

Related Stories